ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ

girl boy2

Тақвими хабарҳо

Ноябр 2019
Дн Сш Чн Пш Ҷм Шб Ян
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

girl boy3

27
июни
2019

ИШТИРОК ДАР МАШВАРАТҲОИ СЕЮМИ МИНТАҚАВИИ НИҲОДҲОИ МИЛЛИИ ҲИФЗИ ҲУҚУҚИ ИНСОНИ ОСИЁИ МАРКАЗӢ

Рӯзҳои 24-25 июни соли 2019 дар шаҳри Тошканди Ҷумҳурии Ӯзбекистон Машваратҳои сеюми минтақавии ниҳодҳои миллии ҳифзи ҳуқуқи инсони Осиёи Марказӣ баргузор гардид. Дар чорабинии мазкур Ваколатдор оид ба ҳуқуқи кӯдак дар Ҷумҳурии Тоҷикистон Ҳабибулозода Р.Ҳ., муовини сардори шуъбаи ташкилӣ, таҳлилӣ ва иттилоотӣ – Бобохонов С. ва ёрдамчии Ваколатдор оид ба ҳуқуқи кӯдак дар Ҷумҳурии Тоҷикистон Солиев А. иштирок намуданд.

Дар кори Машваратҳои сеюми минтақавии ниҳодҳои миллии ҳифзи ҳуқуқи инсони Осиёи Марказӣ лоиҳаи “Харитаи роҳ оид ба ҳамкории ниҳодҳои миллии ҳифзи ҳуқуқи инсони Осиёи марказӣ” мавриди баррасӣ қарор дода шуда, сипас, санади мазкур аз ҷониби Ваколатдорон оид ба ҳуқуқи инсони давлатҳои Ӯзбекистон, Қазоқизстон, Қирғизистон, Тоҷикистон ва Туркманистон якдилона қабул гардид, ки барои ҳамкориҳои минбаъда дар сатми ҳифз ва пешбурди ҳуқуқи инсон байни ниҳодҳои миллии ҳифзи ҳуқуқи инсони Осиёи Марказӣ мусоидат хоҳад кард.

Мувофиқи санади мазкур муколамаи доимӣ ва пайваста байни ниҳодҳои миллии ҳифзи ҳуқуқи инсони Осиёи марказӣ ва ҳамоҳангсозии ҳамкориҳои минбаъда дар самти ҳуқуқи инсон дар назар аст.

Дар рафти машваратҳо Ваколатдорон оид ба ҳуқуқи инсони Осиёи Марказӣ оид ба вазъи мавҷудаи ҳифзи ҳуқуқи инсон ва нақши ниҳодҳои миллии ҳифзи ҳуқуқи инсон маърӯза намуданд.

Рӯзи 25 июн намояндагони ниҳодҳои миллии ҳифзи ҳуқуқи инсони Осиёи Марказӣ дар семинар дар мавзӯи “Ҳуқуқи инсон ба хотири рушди устувор”, ки аз ҷониби Дафтарҳои минтақавии Барномаи рушди СММ ва Раёсати Комиссари Олии ҳуқуқи инсон ташкил карда шуд, иштирок намуданд.

Мутобиқи барнома дар семинар масъалаҳои рӯзномаи СММ дар самти Ҳадафҳои Рушди Устувор то соли 2030 (ҲРУ) ва ҳуқуқи инсон, нишондодҳо дар самти ҳуқуқи инсон тибқи ҲРУ, муносибати ба ҳуқуқи инсон асосёфта, муносибати СММ мутобиқи низоми умумии принсипи “Ҳеҷ касро дар ақиб намегузорем” фаъолияти ниҳодҳои миллии ҳифзи ҳуқуқи инсони Осиёи Марказӣ дар самти ҲРУ ва равонасозии кӯшишҳо баҳри дар амал татбиқ намудани ҲРУ мавриди баррасӣ қарор дода шуданд. Инчунин дар рафти семинар ширкаткунандагон ба гурӯҳҳо тақсим шуда, нақшаи фаъолияти минбаъдаи худро дар асоси ҲРУ муаррифӣ намуданд.

Дар охири чорабинӣ ташкилкунандагон, тренерон ва иштирокчиёни семинар тадбирҳои банақшагирифтаи намояндагони Ҷумҳурии Тоҷикистонро дар самти ҲРУ хуб арзёбӣ намуданд.


Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Сабабу омилҳои ба оворагардӣ машғул шудани наврасонро дар чӣ мебинед?

girl boy

Омодакунандаи сомона DarAmal