ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ

girl boy2

Тақвими хабарҳо

Май 2020
Дн Сш Чн Пш Ҷм Шб Ян
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

girl boy3

11
январи
2020

Пешвои миллат Эмомалӣ Раҳмон аз Мактаб-интернати ҷумҳуриявии кӯдакони ношунавои ноҳияи Рӯдакӣ дидан намуданд

ДУШАНБЕ, 27.12.2019 /АМИТ «Ховар»/.27 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз Мактаб-интернати ҷумҳуриявии кӯдакони ношунавои ноҳияи Рӯдакӣ боздид намуда, бо фаъолияти он шинос шуданд.
 
 
Айни ҳол дар муассисаи мазкур 400 нафар аз шаҳру ноҳияҳои мамлакат ба таълиму тарбия фаро гирифта шудаанд. Дар доираи дастуру супоришҳои Ҳукумати Ҷумҳурии Тоҷикистон ва таваҷҷуҳи доимии Сарвари давлат дар мактаб-интернат шароити муосир барои омӯзиш ва зисту зиндагонӣ фароҳам оварда шудааст.
 
Аз ҷумла, мактаб-интернат дорои 31 синфхонаи фаннӣ буда, ҳамчунин аз кабинетҳои методӣ, синфхонаи компютерӣ бо 22 адад компютер иборат мебошад.
 
Китобхонаи таълимгоҳ бо 8200 нусха китоби таълимӣ таъмин буда, ҳамчунин наздик ба 3 ҳазор китоби бадеӣ барои мутолеа дастраси хонандагон мебошад.
 
Китоби махсуси «Имову ишора» барои хонандагони синфҳои аз 1 то 3 ба пурагӣ дастраси хонандагон мебошад.
 
Иттилоъ дода шуд, ки дар Мактаб-интернати ҷумҳуриявии кӯдакони ношунавои ноҳияи Рӯдакӣ таваҷҷуҳи хоса, ба фаъолияти мутахассисон зоҳир гардида, дар ин доира наздик ба 60 нафар омӯзгорони соҳибтахассус, ки аз курсҳои махсуси бозомӯзӣ гузаронида шудаанд ба тарбиятгирандагон дарс мегӯянд. Мавриди зикр аст, ки ҳамчунин 7 нафар омӯзгори имконияташон маҳдуд низ ба дарсомӯзӣ машғул мебошанд.
 
Мусалам аст, ки шарту шароит ва имконияти зисту зиндагонии нафарони имконияташон маҳдуд зери таваҷҷуи доимии шахсии Сарвари давлат қарор дошта, дар ин доира дар саросари мамлакат пайваста тадбирҳои зарурӣ андешида мешавад. Аз ҷумла, давоми чанд соли охир мактаб-интернати мазкур аз таъмиру тармими пурра бароварда шуда, хобгоҳи муассиса бо 400 кати хоб бо шароити муосиру зарурӣ таъмин гардид. Утоқи тиббӣ, ки барои муолиҷаи кӯдакон пешбинӣ гардидааст бо 3 кати хоб таъмин буда, дар он дастгоҳҳои зарурии соҳавӣ васлу насб гардидаанду нафароне, ки ба муолиҷа фаро гирифта шудаанд ба дорувории ройгон дастрасӣ доранд. Ҳамчунин маҷлисгоҳ бо бештар аз 300 ҷой нишаст мавҷуд буда, хонандагон дар ошхона бо панҷ вақт хӯроки гарму серғизо таъмин мебошанд. Инчунин, хонаи истироҳатӣ, майдончаҳои варзишӣ дар ҳудуди мактаб — интернат бунёд ёфта, ҳаммом барои кӯдакон ва дигар шароитҳои зарурӣ муҳайё карда шудааст.
 
Зимни боздид Президенти мамлакат муҳтарам Эмомалӣ Раҳмон чун анъанаи нек ба тарбиятгирандагони мактаб-интернат туҳфаҳои идона тақдим намуда, онҳоро бо фарорасии Соли нави мелодӣ таҳният гуфтанд.
 
Таъкид гардид, ки ғамхорӣ нисбат ба ниёзмандон, пирону барҷомондагон ва маъюбон як ҷузъи муҳими сиёсати иҷтимоии Ҳукумати Ҷумҳурии Тоҷикистонро ташкил дода, дар ин доира пайваста тадбирҳои зарурӣ амалӣ карда мешавад.
 
Сарвари давлат омӯзгоронро муваззаф намуданд, ки нисбат ба тарбиятгирандагони мактаб-интернат ғамхору меҳрубон бошанд ва тамоми кушишро ба харҷ диҳанд то хонандагон аз донишҳои муосир ҳамаҷониба бархурдор гарданд.
 
Дар ҳамин ҷо Президенти мамлакат ба хонандагони мактаб-интернат барои ба сайру тамошо баромадан 2 адад автобус тақдим намуданд.

Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Оид ба таҳсили кӯдакони маъюб бо ҳамсолонашон дар муассисаҳои таълимии ҳамагонӣ чӣ ақида доред?

girl boy

Омодакунандаи сомона DarAmal