ПАХШ / ХОМӮШ: АКСҲО: ҲУРУФ: A A A ПАСНАМО: Ц Ц Ц Ц

Ваколатдор оид ба ҳуқуқи кӯдак
дар Ҷумҳурии Тоҷикистон

МЕНЮ
24
сентябри
2020

Сарвари давлат Эмомалӣ Раҳмон бинои Маркази хизматрасонии «Баҳор»-ро дар ноҳияи Вахш мавриди истифода қарор дода, ба ятимони кулл туҳфаҳо тақдим намуданд

ДУШАНБЕ, 23.09.2020 /АМИТ «Ховар»/. Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ дар ноҳияи Вахш бинои хуштарҳу замонавии Маркази хизматрасонии «Баҳор»-ро мавриди истифода қарор доданд.

Маркази хизматрасонии «Баҳор» бо ҷонибдорӣ аз сиёсати созандаи Ҳукумати мамлакат аз ҷониби соҳибкори ватандӯст Муҳибулло Ҳабибов дар муддати кӯтоҳ пурра навсозӣ гардидааст.

Корҳои навсозӣ дар иншоот бо ҷалби бинокорони маҳаллӣ бо истифода аз масолеҳи хушсифат амалӣ шудаанд.

Бинои Маркази хизматрасонии «Баҳор» аз таҳхона ва ду ошёна иборат буда, масоҳати замини он 30 садякро дар бар мегирад.

Дар ошёнаи якуми бино ҷойгир намудани маркази савдо ва нуқтаҳои хизматрасонӣ дар назар дошта шуда, ошёнаи дуюми он барои фурӯши либосҳо, аз ҷумла мардонаю занона, мактабӣ ва кӯдакона пешбинӣ гардидааст.

Дар ошёнаи дуюми маркази хизматрасонӣ ҳамчунин пас аз навсозӣ гӯшаи махсуси намоиши доимии асарҳои Пешвои миллат муҳтарам Эмомалӣ Раҳмон, ки дирӯзу имрӯзи таъриху тамаддун ва дастовардҳои даврони соҳибистиқлолии Ватанро дар худ инъикос мекунанд, ташкил шудааст.

Ин гӯша дар заминаи иқдомҳо дар роҳи ҷалби сокинон ба мутолиаи китоб ва бедор сохтани эҳсоси худшиносию худогоҳии миллӣ дар замири онҳо таъсис ёфтааст.

Тавре иттилоъ дода шуд, дар Маркази хизматрасонии “Баҳор” акнун барои 50 нафар ҷойи кори доимӣ муҳайё гардида, дар назар аст, ки оянда барои дастрасии саривақтии сокинон ба маҳсулоти хушсифату арзон фурӯши маҳсулоти хӯрокворӣ низ ба роҳ монда шавад.

Пешвои миллат муҳтарам Эмомалӣ Раҳмон пас аз шиносоии пурра бо шароити нави хизматрасонӣ дар маркази “Баҳор” дар ҳамин ҷо бо 91 нафар ятими кулл аз ноҳияҳои Вахш, Кӯшониён, Панҷ ва Ҷайҳун, ки бо амри тақдир аз падару модар маҳрум мондаанд, мулоқоту суҳбати самимӣ анҷом дода, ба онҳо туҳфаҳои моддию пулӣ, аз ҷумла сару либоси мактабии зимистона ва шириниҳо тақдим намуданд.

Таъкид гардид, ки имрӯз танҳо дар ноҳияи Вахш 1094 нафар ятим, аз ҷумла 37 ятими кулл умр ба сар мебаранд, ки зери таваҷҷуҳу ғамхориҳои бевоситаи Сарвари ятимпарвари мамлакат қарор доранд.

50373676313 28a6d0bb9d oвахш ятим22

 

Шодию нишоти ятимонро дар ин рӯз ҳадду канор набуд, зеро онҳо дар рӯзҳои таҷлил аз 29-солагии Истиқлоли давлатии Ҷумҳурии Тоҷикистон аз дасти Пешвои муаззами худ туҳфаҳо гирифтанд ва аз наздик бо Пешвои миллат суҳбати озоду самимӣ анҷом доданд.

50373681938 083fce742d oятимон вахш

 

Давлату Ҳукумати Ҷумҳурии Тоҷикистон масъалаи беҳтар намудани шарту шароит ва имконоти таҳсилу зиндагии чунин ашхосро зери таваҷҷуҳи доимӣ қарор додааст ва Президенти мамлакат муҳтарам Эмомалӣ Раҳмон дар доираи ҳар сафари кории худ ба шаҳру ноҳияҳои кишвар бо ятимон мулоқот анҷом дода, аз ҳолу аҳволи онҳо бохабар мегарданд.

Дар солҳои соҳибистиқлолӣ барои боз ҳам беҳтар намудани шароити таълиму тарбия ва буду боши ятимон дар мактаб – интернатҳои шаҳру ноҳияҳои мамлакат ва бо ҷойи кор таъмин шудану шарафёб гардидани ин қишри ҷомеа ба зиндагии арзанда корҳои назаррас амалӣ гардиданд.

Сарвари давлат муҳтарам Эмомалӣ Раҳмон зимни суҳбати самимӣ бо ятимон онҳоро ба истифодаи пурсамар аз шароиту имконоте, ки Ҳукумати мамлакат барояшон дар самти аз худ кардани донишҳои замонавӣ, техникаву технологияи муосир ва муҳимтар аз ҳама, дӯст доштани Ватани азиз муҳайё кардааст, ҳидоят намуданд.

Кӯдакон аз ноҳияҳои Вахш, Кӯшониён, Панҷ ва Ҷайҳун ба Пешвои ғамхори миллат муҳтарам Эмомалӣ Раҳмон изҳори сипосу миннатдорӣ намуда, ваъда доданд, ки илмҳои муосирро меомӯзанд ва ҳамчун донишманд ба воя расида, бо эҳтирому арҷгузорӣ ба арзишҳои миллӣ дар рушду пешрафти Тоҷикистони ободу соҳибистиқлол саҳми шоиста мегузоранд.


Эмомалӣ Раҳмон

Сухани Президент-3 Сухани Президент-4 Сухани Президент-5 Сухани Президент-6 Сухани Президент-1 Сухани Президент-2 Сухани Президент-7

Сухани Президент-3

Бо мақсади таъмини ҳифзи ҳуқуқи кӯдак дар Ҷумҳурии Тоҷикистон пешниҳод менамоям, ки институти Ваколатдор оид ба ҳуқуқи кӯдак таъсис дода шавад. Э.Раҳмон

Сухани Президент-4

Таълиму тарбияи кӯдакону наврасон яке аз масъалаҳои муҳими сиёсати иҷтимоии давлат ба ҳисоб меравад. Э.Раҳмон

Сухани Президент-5

Агар мо хоҳем, ки Тоҷикистонро дар оянда ободу осуда гардонем, имрўз бояд барои наврасону ҷавонони соҳибистеъдоди ҷўянда шароит фароҳам оварем. Э.Раҳмон

Сухани Президент-6

Воқеан, кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Э.Раҳмон

Сухани Президент-1

Кӯдакони имрӯза фардо ҳамчун насли ватандӯст ва номбардори Тоҷикистони азизамон ба воя мерасанд. Э.Раҳмон

Сухани Президент-2

Имрӯз барои таълиму тарбияи кӯдакону наврасон тамоми шароит муҳайё гардидааст. Э.Раҳмон

Сухани Президент-7

Наврасону ҷавонони моро зарур аст, ки ба қадри сулҳу оромӣ, суботи сиёсӣ ва истиқлолу озодӣ расанд ва ҳамчун насли ояндасоз ба хотири ҳифзу таҳкими дастовардҳои он саъю талош намоянд. Э.Раҳмон

Назарпурсӣ

Тарбияи кӯдаки ятим дар куҷо беҳтар аст:

girl boy

Омодакунандаи сомона DarAmal